Kryetari i Nisma Socialdemokrate, Fatmir Limaj, në Ditën Ndërkombëtare të Peronave të Pagjetur, ka sjellur në kujtesë se në çfarë dhimbjesh ka kaluar Kosova për të ardhur deri te liria.

Limaj ka shtuar se çështja e personave të zhdukur është plagë e cila rendon mbi shoqërinë kosovare tash e 20 vjet dhe se nuk mund të ketë marrëveshje përfundimtare me Serbinë për sa kohë nuk zbardhet fati i të gjithë personave të zhdukur nga lufta e fundit në Kosovë.

“Sot rikonfirmojmë vendosmërinë tonë si shtet se nuk do të lëmë gurë pa lëvizur deri në zbardhjen e fatit të të gjithë personave të zhdukur”.

“Kosova dhe institucionet e saj nuk do të ndalen së kërkuari asnjëherë për drejtësi për të gjithë personat e pagjetur”.