“Liria Ka Emër” ka mbajtur një konferencë për media për të njoftuar opinionin publik rreth platformës më të re e cila ka si synim të japë kontributin e saj në debatin e rihapur mbi rrugëtimin tonë si shoqëri drejt lirisë dhe mbi vlerat që duhet të jenë ideali i shoqërisë tonë dhe themel i shtetit të Kosovës, raporton Ekonomia Online.

Funksionimi i shoqërisë kosovare dhe shteti i Kosovës si projekt kanë disa vlera të cilat janë parakusht i ekzistencës së të dyjave. Ndër këto vlera është edhe ideja universale e lirisë, si nevojë dhe vetëdije, ndërsa rrugëtimi dhe përpjekjet për realizimin e kësaj vlere janë të goditura nga dy anë, njëra nga mungesa e një memorie politiko-kulturore dhe nga ana tjetër nga keqinterpretimet e qëllimshme dashakeqe që tentojnë relativizmin e këtyre vlerave.

Janë po këto vlera që duhen të pranohen nga të gjithë dhe kontributi më i madh në realizimin e këtij qëllimi shoqëror mund të bëhet nëpërmjet argumentimit dhe debateve racionale mbi kujtesën tonë kolektive.

“Liria Ka Emër” është platformë e cila në vijë me këto nevoja të rikonstruktimit të një debati qëllimisht të rihapur dhe të devijuar do të organizojë aktivitete të ndryshme me anë të të cilave synon që të japë një dimension të ri në këtë debat të kudondodhur.

Prandaj, të rinjtë me ide kreative që konsiderojnë se mund t’i ndihmojnë platformës mund të kontaktojnë dhe t’i paraqesin ato ku do të gjejnë përkrahjen dhe hapësirën që iu duhet për t’i realizuar ato ide.

Ismail Dasholli nga kjo iniciativë, tha se e kanë parë të nevojshme me ri-argumentuar rrugën drejtë lirisë

“Ne jemi një grup njerëzish me preokupime të njëjta. E kemi parë të nevojshme me ri-argumentuar hapat tonë drejtë lirisë. Idealet e atij rrugëtimi po ndryshohen qëllimshëm. Ne kemi disa pikë referenca vjetore që do na ndihmonin të ndërtojmë prioritete të përbashkëtët. Ndër këto vlera është ajo e lirisë. Në aspketim e përgjithsëhm ne duam ta riaktualizojmë rrugën tonë drejtë lirisë sonë”, tha ai

Eliza Hoxha, u shprehë se ky grup i njërzëve ka për qëllim që narracionin e lirsë me dokumente.

“Ky grup i njerëzve vullnet mirë e ka qëllim që narracionin e lirisë me dokumentua, që brezat tonë të ardhshëm të kenë një krenari. Është grup i hapur që mund të vijnë kushdo politikanë e aktorë. Ombrella që përfshinë këtë iniciativë ka shumë emra pa i përdoruar ata për qëllime të caktuara politike. Ta ngrisim këtë çështje ta bëjmë çështje diskutimi kolektiv, ta kemi një pasqyrë.

Burbuqe Berisha, tha se duhet dhënë prioritet atyre që kanë dhënë kontribut për këtë vend.

“Jemi bërë bashkë ta ngrisim kauzën e lirisë. Shumëçka ka derivuar nga populli  nga ne. Ne s’kemi pasur as shtet as ushtri po ka arrit populli me ndërtua gjera hap pas hapi. Ne duhet tu japim prioritet atyre që kanë dhënë kontribut për këtë vend. Është koha që njerëzit që iu kanë bashku forcave të armatosura të dokumentohet. Arsyeja është që memoria jonë kolektivë mos të harroj rrugën e lirisë”, tha ajo.