Lodrat për fëmijë që janë konfiskuar kohëve të fundit nga Drejtoria e Inspeksionit, në kuadër të aksioneve për largimin e shitësve ilegalë, kanë qëndruar për një kohë në depot e Komunës.

Për të gjitha këto lodra, nuk është paraqitur asnjë pronar në Inspeksion, i cili do ta merrte përgjegjësinë dhe do ta paguante dënimin. Meqë të gjitha afatet kanë kaluar, Drejtoria e Inspeksionit, me procesverbal përkatës, të gjitha ato lodra që ishin të përdorshme, ua ka dhuruar sot fëmijëve të “SOS” fshatit.