Union Berlin ka njoftuar se ekipi i tyre i parë dhe stafi kanë rënë dakord të heqin dorë nga pagat e tyre për të ndihmuar klubin gjatë pandemisë në vazhdim të koronavirusit.

Skuadra e Bundesligës – e cila luan në elitën gjermane për herë të parë këtë sezon – po llogarit koston e mos luajtjes së ndeshjes, me sezonin vendas në Gjermani që është pezulluar që nga 13 marsi për shkak të Covid-19.

Anëtarët e tjerë të stafit gjithashtu kanë rënë dakord të marrin ulje pagash pasi të gjithë në klub janë së bashku gjatë krizës, me sezonin i cili nuk pritet të nis para muajit maj, përcjell lajmi.net.

Liga Gjermane e Futbollit (DFL) konfirmoi të martën se pezullimi në Bundesliga dhe 2.Bundesliga do të zgjat deri më 30 prill.

“Këto janë rrethana të jashtëzakonshme me të cilat duhet të merremi”, tha presidenti i Unionit Dirk Zingler në një deklaratë. “Qëllimi i klubit tonë është futbolli. Nëse ai pushon së ekzistuari, atëherë ai do të prekë thelbin e ekzistencës sonë”.