Kombëtarja e Kosovës në futboll do të zhvillojë nesër një ndeshje miqësore kundër Armenisë në stadiumin “Fadil Vokrri” në Prishtinë.

Për këtë përballje, lojtarët e përfaqësueses kanë nisur përgatitjet me stërvitjen e parë të zhvilluar sot nën drejtimin e trajnerit Franco Foda.

Seanca stërvitore u fokusua në aspektin taktik dhe përgatitjen fizike, ndërsa atmosfera në ekip u vlerësua pozitive.

Në konferencën për media para ndeshjes, trajneri Foda theksoi se pavarësisht mungesës së disa lojtarëve kyç, skuadra do të japë maksimumin me ata që janë në dispozicion.