• “Lufta e Tretë Botërore” po na “zë” me një qeveri që kanë ikur nga lufta për çlirimin e Kosovës;
  Që lirinë e kanë gjetur të gatshme dhe që këtë pavarësinë e Kosovës nuk e kanë begenisur derisa e kanë marrë pushtetin;
• ‘Lufta’ po na ‘zë’,
  Me një Presidente frikacake, që nuk pushon së llomotituri:
  paradite sillet si bombë atomike,
  e pasdite e lëshojnë nervat, e kaplon frika, nuk e fsheh pasigurinë,
  nuk përmbahet, në mbrëmje del në TV e i tregon Serbisë se Kosova e ka FSK-në (pa armë);
• dhe Presidentja del në TV dhe i thotë popullit shqiptar ‘Duhet të presim ripushtim nga Serbia’!

Po, as në kafehane nuk bisedohet kështu!

• Albin Kurti mendon se ‘Putini po e pushton Ukrainën, sepse mund ta pushtojē. Në të kundërtën, do të ishte e palogjikshme ta pushtonte nëse nuk do të mund ta pushtonte’!

Sot, derisa Kryeministri fliste për luftën në Kuvend – dridhej si thupra n’ujë, e ka mërzi luftën – e kuptoj, anipse veteran, nuk ka prekur armë me duar (vet ka treguar).

• Albin Kurti flet për sanksione ndaj Rusisë, kurse nuk ka bukë mjaftueshëm për popullin e tij.
• Të jesh kundër pushtimit të Ukrainës – mjafton.
  As G7, as Presidenti Biden, as kryeministri anglez, as Gjermania, askush nuk ka qenë më ‘i ashpër’ me Rusinë se sa qeveria dhe Presidentja e Kosovës.
• E kuptoj ekspresionizmin emocional që na karakterizon neve shqiptarëve, ama fjalët e shumta e tregojnë fukarallëkun dhe frikën.
• Nuk e kuptoj pse Presidentja nuk Hesht,
  pse ia lexon fallin Serbisë…pse flet për luftën që do të ndodh…
  Duke e parashikuar luftën e Re, ripushtimin e Kosovës nga Serbia, bën gabim të rëndë, sepse e bën temë ‘normale’ luftën..Me gojën tënde ‘mos
  e thuaj’!
• Ti duhet ta kesh temë tabu – temën e luftës….
  Pse e çel e para temën e luftës dhe ia bën më të lehtë armikut!
• Në jetën time më naive dhe më skandaloze nuk kam parë, konfliktuoze, grindavece, e zemëruar dhe frikacake!
• Hesht.
  Heshtja nuk e shëron frikën por e fsheh.
  Kur e fsheh frikën, e shpëton dinjitetin!
  Armiku s’duhet të të shohë të tmerruar!
  ‘Paraqitu trime bash që s’je’!
  Kjo do ta hutonte armikun: Armiku do të pyeste: ‘Çfarë po e trimëron Kosovën, çfarë fshehet pas kësaj…’
• Asnjë shtet në botë, as kryetarin e Ukrainës e as ukrainasit, nuk i ka kapur paniku nga Rusia më shumë se Presidenten dhe Kryeministrin e Kosovës.
• Lufta na ‘zuri’ në depresion;
  Të varfër e të mërdhirë;
  me veteranë të nëpërkëmbur;
  me dëshmorë të harruar;
  me komandantë nē burg!
  Me ushtarë të internetit!
• Dhe me çiften time të demotivuar, që e ka parë një herë se kush e materializon Lirinë dhe kush bën tregti me Lirinë, pas luftës…
• Mbushe magjen me miell Ti, kaq lypset prej teje!
  Pasi që e keni varfëruar popullin dhe e keni ndarë në ‘populli i Kosovës’ dhe ‘populli i diasporës’, tash doni edhe ta frikësoni!

P.S. Qetësohuni, se u bëtë horë!
Ndodhi apo Jo ‘Lufta e Tretë Botërore’, o Zoti, o Dashuria na shpëton.