Nënkryetari i Lidhjes Demokratike të Kosovës, Lutfi Haziri ka thënë se ishte kënaqësi të priste në takim në Gjilan, kryministrin në detyrë Albin Kurtin.

Madje nënkryetari i LDK-së, partisë bashkëqeverisëse e cila inicioi mocion për rrëzimin e qeverisë Kurti ka thënë se është i kënaqur po oshtu me vlerësimin që ai i bëri Gjilanit në masat për pandeminë e koronavirusit.

Haziri ka thënë se e njoftoj Kurtin për veprimet e ndërrmarra në Gjilan.

Ky është postimi i plotë:

Ishte kënaqësi ta pres në takim kryeministrin në detyrë, Albin Kurti dhe ministrat, Emilja Rexhepi e Arben Vitia, të cilët në këto ditë të vështira të pandemisë, kanë parë masat që i kemi ndërmarrë, për të na mbështetur në menaxhim të situatës e të ruajtjes së shëndetit publik.

E njoftova për veprimet e ndërmarra të Gjilanit, në funksionalizimin e hallkave të emergjencave civile dhe institucioneve shëndetësore që përballen me paranadalimin e përhapjes së Covid-19. Gjilani, edhe ashtu, është në emergjencë për ujin që prej qershorit të vitit të kaluar.

Faleminderit për vlerësimin e lartë për Gjilanin, sa i përket masava të ndërmarra dhe menaxhimit të pandemisë #Covid19.

ruajeveten #ruaniprindërit #ruanigjyshërit #ruanifëmijët #ruajefamiljen #ruajelagjen #ruajeqytetin