Presidenti francez, Emmanuel Macron ka folur në Paris në lidhje me sulmet ushtarake ndaj Iranit.

Ai i tha këshillit të tij të mbrojtjes dhe sigurisë kombëtare se Franca as nuk ishte njoftuar paraprakisht dhe as nuk ishte përfshirë në sulmet SHBA-Izrael.

“Prioriteti ynë absolut është siguria e shtetasve tanë dhe e aseteve tona”, tha Macron.

Ai shtoi se “diplomacia duhet të rifitojë epërsinë”.

Përpara se të fliste, aleati i Donald Trump dhe republikani i lartë, Lindsey Graham, bëri një deklaratë të ashpër, duke kritikuar Evropën Perëndimore “jashtëzakonisht të butë” për deklaratat e saj.