Manchester City është në kërkim të një sulmuesi. Klubi anglez është duke e monitoruar situatën e Joao Felix të Atletico Madridit.

Portugezi te klubi anglez po shihet si zëvendësues i Sergio Agueros, që do të largohet nga Manchester City në fund të këtij sezoni.

Drejtuesit e skuadrës së Cityt janë të gatshëm të ofrojnë një shumë të majmje për të bindur Atletico Madridin ta liroj sulmuesin.

Felix është pjesë e madrilenëve që nga viti 2019 kur u transferua nga Benfica për 127 milionë euro.

21-vjeçari ka kontratë deri në vitin 2026 me Atleticon.

Ai këtë sezon në të gjitha garat ka shënuar 10 gola dhe pesë asistime.