Komuna e Suharekës dhe Ministria e Administrimit të Pushtetit Lokal, kanë nënshkruar një marrëveshje për bashkëfinancimin e një projekti në vlerë prej 274,174  euro.

Kjo u bë e ditur nga kryetari i Suharekës, Bali Muharremaj, i cili përmes një statusi në rrjetin social, ka thënë se këto mjete ndahen për projektin “Ndërtimi i shtegut të ecjes në Suharekë dhe 10 parqeve në fshatrat e Komunës së Suharekës”.

Statusi i plotë i tij:

Sapo nënshkruam marrëveshjen e bashkëfinancimit me Ministren e MAPL-së Emilija Rexhepi, për shumën 274,174.10 euro, të cilat ndahen për projektin “Ndërtimi i shtegut të ecjes në Suharekë dhe 10 parqeve në fshatrat e Komunës së Suharekës”.

Shtegu do të jetë 2.3 km i gjatë dhe do tu shërbej qytetarëve.

Ky projekt mbështetet nga skema e grantit për performancë komunale, të cilën e mbështet DEMOS dhe Ministria e Administrimit dhe Pushtetit Lokal.

Angazhimi ynë është serioz në ndërtimin e vendit në të ardhmen.

Bali Muharremaj