Ministri i Mbrojtjes, Ejup Maqedonci, ka takuar ambasadoren e Kanadasë në Zagreb, e akredituar për Republikën e Kosovës, Jessica Blitt.

Përmes një postimi në rrjetin social Facebook, Maqedonci ka thënë se në takim ka njoftuar Blittin për zhvillimet në Ministrinë e Mbrojtjes dhe se kanë diskutuar për pjesëmarrjen e delegacionit të Ministrisë së Mbrojtjes dhe Forcës së Sigurisë në Forumin Ndërkombëtar të Sigurisë në Halifax.

Maqedonci ka shkruar se Kosova qëndron e palëkundur në rrugën drejt integrimit në Organizatën e Traktatit të Atlantikut të Veriut.