CEO i Interit, Beppe Marotta ka konfirmuar se Suning janë duke e marrë në “konsideratë” shitjen e aksioneve në Inter.

Për këtë kishte raportuar në dhjetor “IL Corriere dello Sport”, ku kishte shkruar se Suning po shqyrton afrimin e disa investitorëve të jashtëm.

Drejtori i Interit Steven Zhang e kishte mohuar këtë lajm por ka pasur edhe disa lajme të tjera javët e fundit, duke thënë se fondacioni BC Partners dëshiron që të investojë në Inter dhe nuk kanë përjashtuar mundësinë që t’i blejnë shumicën e aksionëve të Suning.

“Pronarët janë duke shqyrtuar këto mundësi në interes të Interit dhe në respekt të historisë së klubit”, tha Marotta për Radio Rai para ndeshjes Fiorentina-Inter.