Sami Mazreku, ish-drejtori i Byrosë Kosovare të Sigurimeve (BKS) ka thënë se miratimi i Ligjit për Sigurime Shëndetësore nga ana e kabinetit qeveritar është një vendim i qëlluar i qeverisë, e që pas implementimi i tij në praktikë në masë të madhe do të ketë ndikim në ruajtjen e shëndetit të popullatës, pasi që në formën siç është dizajnuar një ligj i tillë mbulon të gjithë qytetaret e vendit edhe ata që janë në marrëdhënie pune, edhe ata që nuk janë për momentin në marrëdhënie pune.

Sipas ekspertit Mazreku, miratimi i këtij ligji gjithashtu ndihmon më masë të madhe sektorin publik, rrit investimet në sektorin publik dhe rrit gamen e shërbimeve që do të kryhen në sektorin publik.

 “Siç edhe ju e dini kohët e fundit kemi pasur një largim të madhe të profesionisteve shëndetësore nga sektori publik e që kjo paraqet një humbje të madhe për sektorin publik, unë mendoj se me fillimin e implementimit të këtij ligji gjerat do të ndryshojnë për të mirë, pra mjeket do të kenë të hyra të dinjiteteshme e qytetaret do të marrin trajtim shumë më të mirë shëndetësor”, ka thënë Sami Mazreku për Tëvë 1.