Të paktën 1 mijë e 259 njerëz që punojnë për Kishën Protestante të Gjermanisë kanë kryer abuzim seksual në dekadat e fundit dhe të paktën 2 mijë e 225 viktima janë prekur nga abuzimi sipas një raporti të pavarur të botuar të enjten.

Gjetjet janë nxjerrë nga një ekzaminim i dokumenteve dhe të dhënave nga kishat rajonale dhe organizata e ndihmës diakonale dhe e mirëqenies sociale të Luteranëve, Diakonie, shkruan euronews, transmeton Klankosova.tv.

Autorët e raportit vlerësojnë se numri aktual i autorëve ka të ngjarë të jetë shumë më i lartë, me afro 3 mijë e 500 persona që kanë kryer abuzim seksual, raportoi agjencia gjermane e lajmeve dpa.