Mbretëria e Bashkuar ka reaguar ndaj vendimit të përkohshëm të GjND-së duke rikonfirmuar qëndrimin e Londrës se Izraeli nuk po kryen gjenocid në Gaza.

“Ne respektojmë rolin dhe pavarësinë e GjND-së. Megjithatë, ne kemi deklaruar se kemi shqetësime të konsiderueshme në lidhje me këtë rast, i cili nuk është i dobishëm për qëllimin e arritjes së një armëpushimi të qëndrueshëm”, tha një zëdhënës i Zyrës së Jashtme, Komonuelthit dhe Zhvillimit për Al Jazeera.

“Pikëpamja jonë është se veprimet e Izraelit në Gaza nuk mund të përshkruhen si gjenocid, prandaj menduam se vendimi i Afrikës së Jugut për të ngritur çështjen ishte i gabuar dhe provokues”, ka shtuar ai.

Zëdhënësi përshëndeti thirrjen e gjykatës për lirimin e menjëhershëm të robërve në Gaza dhe tha se Izraeli ka të drejtë të mbrohet, transmeton Klan Kosova.

Ai shtoi se një “pauzë e menjëhershme” që përfundimisht do të ndërtohej drejt një armëpushimi të përhershëm kërkohet për të shpëtuar robërit në Gaza.