Mbreti Charles III dhe Mbretëresha kanë shprehur ngushëllimet e tyre për viktimat e përmbytjeve shkatërruese në Nepal.

Në një mesazh, monarku britanik tha se ai dhe Mbretëresha ndihen thellësisht të prekur nga tragjedia dhe u shprehën solidarë me familjet që kanë humbur të dashurit e tyre, si dhe me ata që ende presin lajme për të afërmit.

Mbreti nderoi gjithashtu policët dhe pjesëtarët e Forcave të Armatosura që humbën jetën gjatë përpjekjeve për të ndihmuar të tjerët.

Charles III theksoi se Mbretëria e Bashkuar është e gatshme të ofrojë mbështetje për njerëzit e prekur nga fatkeqësia.