Është mbyllur protesta e opozitës para Bashkisë së Tiranës. Protesta e opozitës dhe e Aleancës për Mbrojtjen e Teatrit para bashkisë së Tiranës, ka zgjatur rreth 90 minuta.

Herë pas here, protesta është shoqëruar edhe me tensione, ku qytetarët kane hedhur molotov në drejtim të Bashkisë, ku është djegur edhe një pemë.

Pas fjalimeve, që kishin si kryefjalë largimin e kryetarit të bashkisë u njoftua se tubimi i radhës do të jetë të martën e ardhshme.

Nga ana tjetër, një qytetar ka zgjedhur që të qëllojë me vezë dhe fruta në drejtim të godinës së bashkisë së Tiranës.

Edhe në protestat e kaluara, protestuesit kanë hedhur qepë dhe perime të tjera në drejtim të Bashkisë.

Kujtojmë që kjo është protesta e tetë e opozitës, para Bashkisë së kryeqytetit.