Ish-diplomati amerikan, Edward P. Joseph, i cili është njohës i mirë i Kosovës, pasi ka qenë dhe zëvendëshef i OSBE-së, ka thënë se kryeministri Albin Kurti ka gabuar me vendimin që të mos lejojë mbajtjen e zgjedhjeve të Serbisë në Kosovë.

“Albin Kurti bëri një gabim mbi të drejtën e qytetarëve serbë të Kosovës për të votuar në zgjedhjet serbe. Një dhuratë e bërë si me porosi për regjimin e Aleksandër Vuçiqit, e cila vjen pikërisht në kohën kur është nën vëzhgimin e BE-së për besnikërinë e tij ndaj Moskës”, ka shkruar Joseph, në Twitter.

Për shkak se zgjedhjet serbe nuk u lejuan të mbahen në territorin e Kosovës, serbët në disa komuna të Kosovës sot protestuan, duke akuzuar Kurtin për shkelje të Marrëveshjes së Brukselit.

.@albinkurti has made a mistake over #Kosovo Serb citizens’ right to vote in #SerbianElections. A tailor-made gift to the @avucic regime just as it comes under #EU scrutiny for its allegiance to #Moscow.
Drawn from personal experience @OSCEKosovo👇 https://t.co/s04eXvhWnI

— Edward P. Joseph (@edwardpjoseph) March 25, 2022