Kancelaria gjermane Angela Merkel u bëri thirrje gjermanëve të mos rrezikojnë atë që kanë arritur deri tani në drejtim të ngadalësimit të infeksionit të coronavirusit me nxitimin e tyre dhe dëshirën për t’u “rikthyer në normale” sa më shpejt të jetë e mundur.

“Coronavirusi mbetet një rrezik për secilin nga ne”, tha kancelaria gjermane, duke folur në parlamentin gjerman.

“Gjermanët do të jetojnë me coronavirusin për disa kohë, sepse akoma nuk ka ilaç apo vaksinë efektive”, theksoi Merkel.

“Do të ishte dekurajuese nëse do të duhej të ktheheshim në kufizimet që duam t’i lëmë pas”, tha kancelarja e Gjermanisë.

Ajo u tha gjermanëve që të ktheheshin në zyra, shkolla, kafene dhe klube sportive duke mbajtur distancë fizike dhe duke u kujdesur për higjienën e tyre. /Telegrafi/