Vendimi për shtrenjtimin e sigurimeve për 26 për qind po kundërshtohet nga qytetarë të shumtë.

E një vendim të tillë të padrejtë po e konsideron edhe njohësi i çështjeve ekonomike, Safet Merovci.

Ai po e mbështet edhe protestën e paralajmëruar nga “Marakli t’kerreve”.

Ky është reagimi i Merovcit:

“Kompanitë e sigurimeve në Kosovë duan që përfitimet financiare t’i marrin për vete si biznese private, ndërsa kostot e dështimeve të tyre t’i paguajnë qytetarët, me çmime të reja të polisës së sigurimit, edhe ashtu të rraskapitur nga ngarkesat e shumta me tatim-taksa e norma të larta të interesit në kredi.

Pse të shpëtohen kompanitë të cilat aktivitet primar e kanë fitimin e parave, me rrezikun e falimentimit, nëse kanë perfomancë të dobët?

Le të mbesin në treg vetëm kompanitë likuide, konkurruese në treg, por jo në kurriz të qytetarëve, të ndihmuar pa të drejtë nga injoranca funksionale e BQK-së!

#NëPROTESTË!”,