Pacientët e trajtuar nga gratë kanë më pak të ngjarë të vdesin nga ajo çfarë i shqetëson dhe më pak gjasa për të ardhur përsëri në spital për trajtim, ka raportuar një hulumtim i fundit.

Sipas Ekipit të Shëndetit Publik të Shkollës së Harvardit, nëse pacientët ndiqen nga mjeket femra, ata do të mund të shpëtojnë jetën e rreth 32 000 pacientëve çdo vit.

“Të dhënat tregojnë se gratë mjeke kanë tendencë të jenë më të vëmendshme në gjetjen e diagnozave, dhe shpesh punojnë më mirë se sa meshkujt mjek”, tha Ashish Jha, udhëheqësi i studimit.

Sipas studimit, kjo përkthehet në përfitime për pacientët, dhe kjo u bazua në një analizë të bërë nga viti 2011 deri në 2015.

Sipas saj, pacientët që mbikëqyreshin nga mjeket femra kishin raport më të ulët të vdekshëmrisë se sa ato që trajtoheshin nga mjekët meshkuj.

Gjatë katër viteve, vetëm 11 për qind e pacientëve të trajtuar nga mjekët femra kanë vdekur brenda një muaji në spital, në krahasim me 11.5 për qind të atyre që trajtohen nga meshkujt.

“Ne vlerësojmë se rreth 32 000 më pak pacientë do të vdisni nëse mjekët tuaj meshkuj do të mund të arrinin rezultate çdo vit si mjeket femra”, ka shtuar Jha.

Megjithatë, Dr. Ana Parqet nga Universiteti i Kalifornisë ka thënë se gratë mjeke paguhen më pak se homologët e tyre meshkuj.

Mjeket femra përqëndrohen më shumë tek pacientët, kanë një stil komunikues që e vënë në qendër të vëmendjes pacientin, janë më inkurajuese dhe bëjnë vizita më të gjata se sa meshkujt, ka shtuar ajo.