Kryetari i Prishtinës, Shpend Ahmeti, ka reaguar pas raportimeve në medie se një mësuese nga shkolla fillore “Emin Duraku” në Prishtinë, ka postuar në Facebook fotografitë e fëmijëve të cilët nuk e kishin mësuar vjershën.

Ahmeti ka thënë se në bashkëpunim me inspektorët e Ministrisë së Arsimit po e shqyrtojnë rastin dhe se drejtoresha Arbërie Nagavci do të marrë vendim meritor në lidhje me mësuesen. Kjo e fundit ka thënë se postimi ishte në grup të mbyllur, ku komunikonte vetëm me prindërit.

Postimi i kryetari Shpend Ahmeti:

Për rastin e mësimdhënëses të publikuar në media mbrëmë

Mësimdhënësja ka postuar foto në grup të mbyllur në Facebook ku janë dakorduar me prindërit për komunikim. Kryetarja e prindërve ka thënë se kjo ka qenë marrëveshja me prindër.

Megjithatë për opinion po ju tregojmë për masat e ndërmarra

1. Kemi dërguar letër zyrtare në mëngjes tek inspektorët e Ministrisë së Arsimit sepse është nën përgjegjësinë e tyre ky inspektim
2. Kemi dërguar ekipin e Drejtorisë së Arsimit për vizitë speciale dhe për ta përgatitur raportin deri në fund të ditës
3. Drejtori i Shkollës do të përgatis raport:

Në bazë të këtyre DKA me drejtoreshën Arbërie Nagavci do të merr vendimin meritor”.

Ahmeti më pas gjatë statusit ka shkruar që kjo është punë e inspektoratit të arsimit dhe ka postuar nenin ligjor që tregon që është në kompetencë të Inspektoratit të Arsimit.

“P.S. Udhëzimi administrativ

Ligji Nr.2004/37

PËR INSPEKSIONIN E ARSIMIT NË KOSOVË

Detyrat e Inspeksionit të Arsimit

Neni 4

4.2. Inspektimet e rregullta informative dhe kontrolluese kryhen në mbështetje të planit

vjetor të Inspeksionit të Arsimit, kurse ato emergjente e speciale në bazë të kërkesave të

organeve dhe palëve të interesuara.

1. Mbrojtjen shëndetësore të fëmijëve, të nxënësve, të studentëve, të mësimdhënësve

dhe të punëtorëve të tjerë të institucionit arsimor;

1. Masat disiplinore të shqiptuara ndaj nxënësve, studentëve, mësimdhënësve dhe

punëtorëve të tjerë të institucionit;

5.3. Inspektorët e arsimit urdhërojnë edhe:

1. Inicimin e procedurës disiplinore ndaj mësimdhënësve dhe punëtorëve të tjerë, të cilët nuk i kryejnë punët dhe detyrat e përcaktuara me rregulla të institucionit dhe

me ligj;

UDHËZIM ADMINISTRATIV

Ndalimi, ndërprerja e punës dhe inicimi i procedurës disiplinore ndaj mësimdhënësve dhe punëtorëve të tjerë në institucionet edukativo-arsimore, aftësuese dhe shkencore

Neni 2

Ndalimi, ndërprerja dhe inicimi i procedurës disiplinore

Inspektori i arsimit, ndalon, ndërpren punën e mësimdhënësve dhe punëtorëve në institucionet edukativo- arsimore, shkencore dhe aftësuese si dhe e fillon procedurën e shqyrtimit të masës

disiplinore ndaj tyre, nëse konstaton se:

1. e) përdor dhunën fizike ndaj fëmijëve, nxënësve, studentëve dhe kolegëve ;
2. nj) në mënyrë të paautorizuar jep të dhënat e besueshme si:

• të dhënat personale të fëmijëve, nxënësve dhe studentëve, familjes dhe kolegëve;
• informatat shëndetësore dhe mjekësore;
• problemet familjare;