President i Kroacisë, Zoran Milanoviq, ka thënë se në takimin e së hënës që u zhvillua në Shkup mes liderëve të shteteve të Ballkanit Perëndimor, atmosfera e mbledhjes ishte më e mirë se sa dy herave të kaluara.

“Kjo është shenjë e mirë. Kemi biseduar për temat të cilat na ofrojnë apo kanë potencialin për ta bërë një gjë të tillë”.

“Kurse temat të cilat nuk janë të zgjidhura, nuk është se u biseduan sepse përvoja na tregon se kjo do të jetë joproduktive. Mbase edhe të dëmshme”, ka thënë Milanoviq, shkruan televizioni publik kroat (HRT).