Ministri kanadez i Mjedisit, Steven Guilbeault, të shtunën do niset për në Pekin për t’iu bashkuar bisedimeve për luftën kundër ndryshimeve klimatike dhe ruajtjen e biodiversitetit.

Steven Guilbeault bëhet, ministri i parë kanadez që shkon në Kinë në katër vjet.

Një muaj më parë, i dërguari i SHBA për klimën, John Kerry vizitoi Kinën për diskutime të ngjashme.

Vendet e tjera të G7, përfshirë Francën dhe Gjermaninë, kanë dërguar gjithashtu përfaqësues të klimës që kur u hoqën kufizimet e udhëtimit COVID-19.