Një video e cila është shpërndarë gjithandej tregon një burrë i cili përpiqet të rrëmbejë një vajzë 11 vjeçare, të martën në mëngjes në një stacion të autobusëve. Policia tani po përpiqet të hetojë të dyshuarin dhe makinën e tij.

Sipas Zyrës së Sherifit të Qarkut Escambia, incidenti ndodhi rreth orës 7 të mëngjesit në një stacion autobusi në Old Corry Field Road.

Videoja tregon një makinë të bardhë që sillet rreth zonës para se të tërhiqte vajzën 11 vjeçare që pret në stacionin e autobusëve. Një mashkull del nga makina për të cilin thuhet se ishte i armatosur me thikë, dhe kap vajzën.

Videoja tregon një luftë midis burrit dhe vajzës. Vajza ishte në gjendje të luftonte dhe të lirohej nga burri.  Vajza më pas mori çantën dhe vrapoi në shtëpi ndërsa burri u kthye në makinë dhe u largua.

Policia thotë se vajza tani është e sigurt me familjen e saj. Ajo pësoi gërvishtje nga incidenti, por është kryesisht e padëmtuar.

Vajza thuhet se iu tha hetuesve se i njëjti burrë e ndaloi atë në stacionin e autobusit dy javë më parë dhe foli me të në gjuhën spanjolle duke e shqetësuar. Ajo raportoi incidentin tek drejtori.

Nëna e vajzës më pas e dërgoi fëmijën në stacionin e autobusit çdo ditë pas takimit me burrin. E marta ishte dita e parë që ajo nuk ishte me vajzën e saj në stacionin e autobusit.

“Ky është një burrë që e ka përndjekur atë për disa kohë” tha sherifi Simmons, transmeton Klan Kosova.