REPORT TV ka siguruar videon ekskluzive të momentit kur Elton Macolli dy net më parë u aksidentua për vdekje në tunelin e Elbasanit me makinën me të cilën po udhëtonte me shpejtësi 145 km/h.

37-vjeçari si pasojë e shpejtësisë së madhe, tej normave të lejuara që po lëvizte brenda tunelit të aksit Elbasan -Tiranë goditi nga pas një maune, ndërsa më pas shpërtheu në flakë, pasi makina ishte e modifikuar nga benzinë në impiant gazi. Si pasojë e aksidentit Elton Macolli, vëllai i deputetes Blerina Gjylamenti humbi jetën në vend.

Ndërkohë në pamjet filmike shihet qartë momenti kur makina e Macollit vjen me shpejtësi të madhe dhe godet nga pas një maune të tonazhit të rëndë edhe pse rruga ishte jo shumë e ngarkuar nga trafiku i makinave.

Sipas policisë dyshimet kryesore janë se Elton Macolli mund të ketë qenë i përgjumur në momentin e këtij aksidenti gjë që ka shkaktuar edhe aksidentin tragjik që i kushtoi jetën.