Kryetari i AAK-së, Ramush Haradinaj, ka bërë të ditur sot aderimin e Hidajete Maksutajt në listën e Aleancës për zgjedhjet e ardhshme, në një ditë me simbolikë të veçantë, përvjetorin e rënies së motrës së saj, heroinës Mervete Maksutaj.

Haradinaj vlerësoi kontributin e familjes Maksutaj në luftën dhe lirinë e vendit.

“Në Aleancë bashkohen vlerat më të larta të kombit, ata që Kosovën e kanë atdhe të vetëm dhe që e kanë mbrojtur me gjakun e më të dashurve të tyre,” theksoi ai.

Ai shtoi se kontributi i Hidajetes dhe familjes së saj është një model për gjeneratat e reja dhe një shtyllë e rrugëtimit të Kosovës drejt lirisë, ndërtimit dhe integrimeve.

“Mirësevjen në shtëpinë tënde, Hidajete. Paç faqen e bardhë në këtë rrugëtim të përbashkët,” tha Haradinaj.