Jose Mourinho e festoi në mënyrë të veçantë golin e Lorenzo Pellegrinit që ia fitoi Romës së tij ndeshjen kundër Cagliarit të mërkurën.

Mourinho ishte i pezulluar me një ndeshje, për shkak se ishte përjashtuar me të kuq kundër Napolit të dielën, prandaj ai e shikoi ndeshjen e Romës nga tribunat në Sardegna Arena, raporton Gazeta Express.

Roma pësoi gol e para në pjesën e dytë kundër skuadrës së Walter Mazzarrit, por ia doli të rikthehej dhe ta fitonte ndeshjen.

Roger Ibanez dhe Loreno Pellegrini shënuan për t’ia fituar tri pikët e plota ekipit të udhëhequr nga Mourinho.

Mesfushori italian e shënoi një gol të mrekullueshëm nga gjuajtja e lirë, por kur kamerat e kapën Mourinhon në tribunë, u duk sikur ekipi i tij nuk kishte shënuar.

Reagimi i Mourinhos ishte i çuditshëm, pasi ai u duk i zemëruar në vend se të festonte i buzëqeshur.

Roma i ka 19 pikë në vendin e 10 në Serie A dhe do të përballet me Milanin të dielën në Stadiumin Olimpik.

FT: Cagliari 1-2 Roma

You wouldn't have guessed the scoreline from Jose Mourinho's reaction to the winner 😅 pic.twitter.com/9azgDwxiGk

— Football on TNT Sports (@footballontnt) October 27, 2021