Kryetari i komunës së Suharekës Bali Muharremaj, është deklaruar për rastin ku arsimtarja e matematikës Remzie Lezi, është përjashtuar nga Këshilli i Shkollës “Flamuri i Arbrit”, për shkak të bartjes së shamisë.

Muharremaj tha se largimin nuk mund ta bëj bordi i shkollës por organet komunale.

”Bordi i prindërve nuk është institucion, i cili punëson apo largon një mësimdhënës nga puna. Kjo ndodh në organet komunale më një procedurë tash të rregulluar mirë.Në qoftë se ndonjë mësimdhënës ka rast disiplinor, atëherë është Komisioni Disiplinor që e trajton rastin dhe i sugjeron drejtorit, respektivisht mua si kryetar për veprimet institucionale.” – tha Muharremaj.