Kryeministri i Kosovës, Isa Mustafa foli për takimin në Bruksel për marrëveshjen për Stabilizim Asociimit.

Mustafa tha se vetëm demarkacioni ka mbetur si kusht që duhet plotësuar për liberalizimin e vizave për Kosovën, transmeton arbresh.info.

“Kemi dhënë zotimet se do të punojmë në implementimin e MSA-së dhe do të iniciojmë pjesëmarrjen tonë në programet e reja të BE-së.

U shpreh një gatishmëri e BE lidhur me përmbylljen e procesit të liberalizimit të vizave ku u tha se ka mbetur vetëm pika e demarkacionit”, tha ai duke shtuar se gjasat që në vitin 2017 të arrihet liberalizimi nuk janë aq të mëdha”, tha Mustafa.