Të shtunën është përmbyllur festivali Mërgata Fest & Sports, i organizuar nga Komuna e Lipjanit, raporton Ekonomia Online.

Gjatë tre ditëve të festivalit, Komuna e Lipjanit i ka mbështetur këngëtarët e rinj duke ju ofruar hapësirën për të performuar në festival.

Në natën finale kanë performuar këngëtarë të njohur të estradës dhe të komunës së Lipjanit, Shkurte Fejza, Shpat Kasapi, Alban Mehmeti, Gresa Behluli, Tajson Flow, Eri Bajraktari & Band, Mega Robot Show, Blerona Zeqiri dhe DJ Nity.

Festivali është mbajur për tre ditë rresht në sheshin “Adem Jashari” në Lipjan, ku morën pjesë qindra qytetarë.