Kompania Rajonale e Ujësjellësit “Prishtina” sh.a. (KRUP) njofton konsumatorët e lagjes “Bregu i Diellit” në Prishtinë se aktualisht kanë mungesë të ujit të pijshëm.

“Gjatë orëve të natës së mbrëmshme kemi qenë të detyruar të ndërprejmë furnizimin me ujë të pijshëm në tubacionin me dimatër DN=250 mm në rrugën ,,Gazmend Zajmi,, në Prishtinë. Arsyeja e ndaljes së funksionuari të tubacionit në fjalë, ka qenë mbrojtja dhe siguria e qytetarëve që banojnë në afërsi të shkollës “Iliria” ngase kompani private investuese përgjatë punimeve të tyre kanë ardhë deri në afërsi të gypit të ujësjellësit dhe me intervenimin e policisë së Kosovës dhe Inspekcionit komunal kemi qenë të detyruar të ndalim furnizimin, për të siguruar tubacionin”, thuhet në njoftim.

Tutje thuhet se ekipet janë në vendin e ngjarjes.

“Kërkojmë mirëkuptim nga konsumatorët!”, përfundon komunikata nga KRUP.