Ka ndodhur një ndryshim te lista e kombëtares së Kosovës, një ditë pas publikimit të saj.

Është larguar sulmuesi Astrit Selmani dhe në vend të tij është ftuar Muharrem Jashari.

Jashari ishte në listën e zgjeruar, e publikuar po ashtu dje nga Federata e Futbollit të Kosovës.

Kosova do të zhvillojë dy ndeshje gjatë këtij muaji, të dyja në kuadër të Ligës së Kombeve.

Fillimisht, “Dardanët” do të përballen me Lituaninë më 12 tetor, teksa pas tre ditësh do të kenë punë me Qipron.