Në ishullin e Tongës është shënuar rasti i parë me COVID-19 prej kur është shfaqur kjo pandemi.

Zyrtarët atje kanë bërë të ditur se qytetarët kanë filluar të vaksinohen kundër koronavirusit menjëherë kur është shfaqur rasti i parë.

Personi i infektuar ishte riatdhesuar nga Zelanda e Re dhe ishte plotësisht i vaksinuar, shkruan BBC, transmeton Klankosova.tv.

Kryeministri i Tongës, Pohiva Tu’i’onetoa, paralajmëroi se banorët e ishullit mund të përballen me një bllokim të vendit javën e ardhshme.

Tonga ishte një nga vendet e fundit e botës në të cilin nuk ishte raportuar asnjë rast me COVID-19.

Aty jetojnë mbi 100,000 njerëz, ishulli është në veri-perëndim të Zelandës së Re.