Ndeshjet e Superkupës së Kosovës në basketboll do të nisin në mesjavë. Federata e Basketbollit të Kosovës ka publikuar orarin e ndeshjeve të Superkupës.

Të mërkurën do të luhen ndeshjet e Grupit A dhe B, ku Rahoveci nga ora 17:00 takohet me Trepçën e Sigal Prishtina nga ora 19:30 me Vëllaznimin, ndeshjet e këtyre dy grupeve do të luhen në Gjakovë.

E të enjten luhen në Prizren ndeshjet e Grupit C dhe D.

Golden Eagle Ylli përballet me Ponte Prizrenin nga ora 17:00, e Peja me Bashkimin nga ora 19:30.

Ndeshjet gjysmëfinale do të luhen të premten në Suharekë, e finalet të dielën në Pejë.