Tetë persona kanë vdekur në Serbi në 24 orët e fundit nga COVID-19, ndërsa janë regjistruar edhe 311 raste të reja.

Autoritetet shëndetësore në Serbi kanë njoftuar se në 24 orët e fundit janë testuar 8395 mostra, ku 311 kanë rezultuar pozitive.

Deri më tash në Serbi kanë vdekur 590 persona nga koronavirusi, ndërsa janë regjistruar 26.193 raste.

Në Kroaci ndërkohë katër persona kanë vdekur dhe janë regjistruar 36 raste të reja. Në Kroaci numri total i të vdekurve nga COVID-19 ka arritur në 149, ndërsa janë regjistruar 5260 të infektuar. Raste aktive janë 738.