47 persona kanë humbur jetën nga tërmeti i 26 nëntorit.

Mirëpo, është familja Lala nga ish-Këneta e Durrësit e cila është prekur më së shumti nga kjo fatkeqësi natyrore.

Para pak çastesh nga rrënojat janë nxjerrë tre persona të pajetë të kësaj familje, shkruan lajmi.net.

Siç raportojnë mediet në Shqipëri, bëhet fjalë për dy binjakët e mitur, Dionis dhe Dionesa Lala ndërsa gruaja Mirjeta Lala është nëna e dy binjakëve.

Ndërkohë, gjyshja e familjes është gjetur e përqafuar me mbesën e saj, ndërsa i vetmi i shpëtuar i familjes Lala është Ramë Lala.

Vlen të theksohet se familja Lala është më e prekura nga tërmeti në Shqipëri ku kanë humbur jetën 7 anëtarë të kësaj familje.