Zëvendësministri në detyrë i Infrastrukturës, Hysen Durmishi, ka njoftuar vendimin e marrë nga kjo ministri për shkak të motit me temperatura të larta.

Durmishi ka bërë të ditur se është ndaluar qarkullimi i automjeteve me peshë prej mbi 15 tonësh prej të mërkurës nga ora 11:00 deri në 17:00.

Ky vendim do të mbetet në fuqi deri më 28 korrik.

“Për shkak të temperaturave të larta që po mbretërojnë këto ditë kemi marrë vendim për ndalimin e qarkullimit të automjeteve me peshë mbi 15 T, në autoudhë, rrugë nacionale dhe rajonale. Ndalesa vlen nga ora 11:00 e deri në 17:00, duke filluar nga nesër me 23 korrik e deri me 28 korrik”, thuhet në njoftimin e zëvendësministrit në detyrë, Durmishi.