jë person është gjetur pa shenja jete në rrugën “Shefqet Shkupi” në lagjen Emshir të kryeqytetit.

Ai është dërguar në QKUK për trajtim mjekësor, por më pas mjekët kanë konstatur vdekjen e tij. Viktima është mashkull 29-vjeç.

Zëdhënësja e Policisë për Rajonin e Prishtinës, Florie Ahmeti, tha se rreth orës 10:00, policia ka pranuar informatën për një person të lënduar (shtrirë në rrugë), në lagjen Emshir në Prishtinë.

“Policia menjëherë ka dalë në vendin e ngjarjes si dhe mjekët emergjent të cilët e kanë dërguar për tretman mjekësor në QKUK, ku rreth orës 11:00, kanë konstatuar vdekjen e viktimës, mashkull , 29 vjeç”, tha Ahmeti për Express.

Hetimet për vdekjen e tij kanë nisur nga organet kompetente.

“Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, tha ajo.

Sinjali raporton se dyshohet se 29-vjeçari i ka dhënë fund jetës së tij, në afërsi të objektit ku banonte.

(Foto nga arkivi i Ekonomia Online)