Një avion ka ateruar dhunshmëm në një lagune jashtë Aeroportit Ndërkombëtar të Chuuk në Mikronezi pasi ai e tejkaloi pistën, thonë zyrtarët e aeroportit.

Në imazhet që po qarkullojnë në internet shihet avioni Air Niugini, nga Papua New Guinea, i ateruar në ujë të cekët në bregun e detit, shkruan BBC, transmeton Klan Kosova.

Asnjë prej 35 pasagjerëve dhe 12 ekuipazhit në fluturim në bord ANG73 nuk pësoi lëndime serioze.

‘Aeroplani u rrëzua në lagunë, rreth 160 metra larg pistës. Tani për tani nuk e dimë se çfarë ndodhi. Hetimet do të fillojnë nesër dhe operimi i linjave të fluturimit po vazhdon përsëri si zakonisht në aeroport’ -tha drejtori i aeroportit të Chuuk Jimmy Emilio për BBC.

Shkaku i rrëzimit është i paqartë, por hetimet duhet të fillojnë së shpejti.