Të paktën 1,354 njerëz janë vrarë dhe 6,049 të tjerë janë plagosur në sulmet izraelite në Gaza që nga e shtuna, sipas Ministrisë palestineze të Shëndetësisë.

Më herët të enjten, Forcat Mbrojtëse të Izraelit thanë se “po kryejnë një sulm në shkallë të gjerë” ndaj objektivave të Hamasit në Gaza, ndërsa konflikti hyri në ditën e gjashtë, raporton CNN

Një krizë humanitare po përhapet me shpejtësi në enklavën bregdetare. OKB tha të enjten më shumë se 330,000 njerëz janë zhvendosur atje që kur Izraeli filloi bombardimet e tij.

Sipas zyrtarëve izraelitë, të paktën 1200 njerëz u vranë dhe mijëra të tjerë u plagosën në sulmet e papritura të Hamasit në Izrael në fundjavë.