Aktorja shqiptare dhe ish-banorja e Big Brother VIP Albania 2, Olta Gixhari ka sjellur imazhe të reja për adhuruesit e saj në rrjetet sociale.

Këto kohë aktorja po qëndron për pushime në Bodrum të Truqisë dhe nga atje nuk kanë munguar pozat joshëse pranë bregdetit.

Në fotot e reja, Olta shihet e veshur me një bluzë të bardhë dhe të shkurtër, të kombinuara me pantallona me ngjyrë të kaltër me vija të bardha.

Veshja në të shkurtra ia vinte në pah aktores fizikun e tonifikuar teksa dukej në formë të mrekullueshme.

“Kush e do diellin”, ishte mbishkrimi i aktores që u pasua nga komente të shumta nga ana e admiruesve të saj.

Olta e cila hoqi dorë nga rrugëtimi në BBVA pas gati 100 ditësh, tashmë ka nisur edhe angazhimet me projekte të reja.

Ajo do të jetë protagoniste në një film përkrah fituesit të edicionit të dytë të BBVA, Luiz Ejlli.