Presidentja e Kosovës, Vjosa Osmani, ka pritur në takim kryetaren e Kuvendit të Sllovenisë, Urška Klakočar Zupančič, raporton Ekonomia Online.

Takimi është duke u zhvilluar në presidencë dhe mediat janë lejuar që të marrin pamje vetëm në fillim të takimit.

Kryetarja Klakočar Zupančič, është takuar sot gjatë ditës edhe me kryeparlamentarin Glauk Konjufca, e cila pas takimit në një konferencë për media ka thënë se dialogu është e vetmja rrugë përpara, dhe se Kosova dhe Serbia duhet ta njohin njëra-tjetrën.

Kryetarja Klakočar Zupančič gjatë ditës do të zhvillojë takim edhe me  ministren e Punëve të Jashtme dhe Diasporës, Donika Gërvalla-Schwarz.