Presidentja e Kosovës, Vjosa Osmani, nga Samiti i Paqes që po mbahet në Zvicër, ka takuar presidenten e Maltës, Myriam Spiteri Debono.

Sipas Osmanit, Malta është një vend mik për Kosovën, teksa ka falënderuar atë për mbështetjen e vazhdueshme që vendi i saj i ka dhënë Kosovës.

“Në Zvicër, realizova takimin e parë e të përzemërt me Presidenten e re të Maltës, Myriam Spiteri Debono. Malta është një vend vërtet mik, andaj i shpreha mirënjohjen e thellë Presidentes Spiteri Debono për mbështetjen e vazhdueshme që vendi i saj i ka dhënë Republikës tonë”, ka shkruar Osmani.