Që nga 1 janari 2022, 21 nga 27 shtetet anëtare të BE-së kanë paga minimale kombëtare, duke bërë përjashtime Danimarkën, Italinë, Qipron, Austrinë, Finlandën dhe Suedinë. Bazuar në nivelet e tyre në euro, ato 21 Shtete Anëtare mund të ndahen në tre grupe kryesore.

Paga minimale mujore nën 1 000 euro në 13 vende të BE-së, mbi 1 500 euro në 6

21 Shtetet Anëtare të BE-së që kanë paga minimale kombëtare mund të ndahen në tre grupe kryesore bazuar në nivelet e tyre në euro.

Në janar 2022, 13 shtete anëtare, të vendosura në lindje dhe jug të BE-së, kishin paga minimale* nën 1000 € në muaj: Bullgaria (332 €), Letonia (500 €), Rumania (515 €), Hungaria ( 542 €), Kroacia (624 €), Sllovakia (646 €), Çekia (652 €), Estonia (654 €), Polonia (655 €), Lituania (730 €), Greqia (774 €), Malta (792 € ) dhe Portugalia (823 €).

Në Slloveni (1 074 €) dhe Spanjë (1 126 €) pagat minimale varionin pak më shumë se 1 000 € në muaj, ndërsa në gjashtë shtetet e mbetura anëtare, pagat minimale ishin mbi 1 500 € në muaj: Franca (1 603 €), Gjermania (1 621 €), Belgjika (1 658 €), Holanda (1 725 €), Irlanda (1 775 €) dhe Luksemburgu (2 257 €).

Për krahasim, paga minimale federale në Shtetet e Bashkuara ishte 1 110 € në janar 2022.

Ky informacion vjen nga të dhënat për pagat minimale të publikuara nga Eurostat.

Në grupin e 21 Shteteve Anëtare në analizë, paga minimale më e lartë ishte pothuajse 7 herë më e lartë se ajo më e ulëta. Megjithatë, pabarazitë janë dukshëm më të vogla pasi të merren parasysh diferencat e nivelit të çmimeve. Kur shprehet në standardin e fuqisë blerëse (PPS), pagat minimale në Shtetet Anëtare me nivele çmimesh më të ulëta bëhen relativisht më të larta krahasuar me ato në Shtetet Anëtare me nivele më të larta çmimesh.

Duke eliminuar diferencat e çmimeve, pagat minimale varionin nga 604 PPS në muaj në Bullgari në 1 707 PPS në Luksemburg, që do të thotë se paga minimale më e lartë ishte pothuajse 3 herë më e lartë se ajo më e ulëta. Bazuar në këtë, është e mundur të dallohen dy grupe kryesore: grupi 1 me pagë minimale kombëtare mbi 1 000 PPS dhe grupi 2 me pagë minimale kombëtare nën 1 000 PPS.

Grupi 1 përfshin Luksemburgun, Gjermaninë, Holandën, Belgjikën, Francën, Irlandën, Slloveninë, Spanjën, Poloninë dhe Lituaninë. Pagat e tyre minimale kombëtare varionin nga 1 038 PPS në Lituani deri në 1 707 PPS në Luksemburg. Ndërsa në grupin 2 bëjnë pjesë Rumania, Portugalia, Malta, Kroacia, Greqia, Hungaria, Çekia, Estonia, Sllovakia, Letonia dhe Bullgaria.

Pagat minimale kombëtare për këtë grup varionin nga 604 PPS në Bullgari deri në 949 PPS në Rumani.

Të gjitha vendet kandidate dhe kandidate potenciale me një pagë minimale kombëtare i përkasin grupit 2, me nivele të pagave minimale që variojnë nga PPS 401 në Shqipëri deri në PPS 888 në Mal të Zi. Shtetet e Bashkuara (PPS 920) i përkasin grupit 2.