Shefi i Grupit Parlamentar të PDK-së, Zenun Pajaziti tha se të gjithë ne duhet kuptuar që dialogu nuk ka alternativë tjetër, raporton Ekonomia Online.

“Të gjithë jemi të vetëdijshëm për pacenueshmërinë e territorit të vendit. Nuk do të ishte mirë që në situata të tilla kur tejkalohen këto probleme të bëhen agjenda ditore”.

Këto komente Pajaziti i bëri gjatë seancës së kuvendit ku po mbahet interpelanca për kryeministrin Mustafa.

Pajaziti shtoi se debati për çështjen e dialogut është konsumuar dhe se sipas tij ky proces duhet të mbështetet.