Ushtria ukrainase çdo ditë e më shumë po ia dëshmon botës se janë “arrë e fortë” për Rusinë e Vladimir Putinit, që kishte menduar se do të arrijnë të pushtojnë Ukrainën për dy apo tri ditë.

E tani që kanë kaluar gati 14 muaj nga fillimi i pushtimit rus, Kievi vazhdon të mburret me sukseset në fushëbetejë.

Kremlini ka humbur afro 200 mijë ushtarë nga fillimi i luftës, e këtë e dëshmojnë edhe shumë agjencia perëndimore të inteligjencës.

Në anën tjetër, është vullneti, organizimi i mirë si dhe armët e dhëna nga vendet perëndimore që ndihmuan ukrainasit të mbrohen me sukses nga rusët.

Sipas mediave të huaja, transmeton Telegrafi, deri më tani kanë marrë armë në vlerë prej dhjetëra miliarda dollarë, e një prej furnizuesve më të mëdhenj janë Shtetet e Bashkuara, Gjermania, Britania dhe shumë vende tjera perëndimore.

Videoja e publikuar më poshtë shfaq pamje nga aksionet e ushtrisë ukrainase, që tregojnë sesi po ia arrijnë ta mbrojnë vendin nga rusët.