Në 22 vjetorin e masakrës në Abri të Epërme, Partia Demokratike e Kosovës ka përkujtuar 23 martirët e familjes Deliu.

Sipas këtij subjekti politik, Kosova nuk do të rresht asnjëherë duke kërkuar drejtësi për të gjitha viktimat, njofton Klan Kosova.

“Në 22 vjetorin e masakrës në Abri të Epërme, kujtojmë dhe nderojmë 23 martirët e familjes Deliu. Foshnja gjashtë muajshe, por edhe plaku 94 vjeç i familjes Deliu, të cilët u masakruan atë ditë, janë e vërteta e pandryshueshme e regjimit kriminal të Millosheviqit, e cila, fatkeqësisht, as sot e asaj dite nuk numëron asnjë të dënuar nga Gjykata Ndërkombëtare. Kosova nuk do të rresht asnjëherë duke kërkuar drejtësi për të gjitha viktimat. Për nder të familjes Deliu dhe në kujtim të të gjithë rënëve për liri”.