Priftërinjtë katolikë në Pensilvani abuzuan seksualisht me mijëra fëmijë gjatë një periudhe 70 vjeçare dhe i mbajtën të heshtur nëpërmjet “armatimit të besimit” dhe nëpërmjet një fushate sistematike të fshehjes nga peshkopët e tyre, bën të ditur avokati i shtetit.

Në një raport prej 884 faqesh i publikuar nga Prokurori i Përgjithshëm i Pensilvanisë, Josh Shapiro pas një hetimi dyvjeçarë përmban shembuj të paraqitur grafikisht të fëmijëve të cilët i pastronin paraprakisht dhe më pas i dhunonin seksualisht, klerikët e kishës katolike.

Prokurori është bazuar kryesisht në dokumentet nga arkivat sekrete të mbajtura nga dioqezat, duke përfshirë këtu rrëfimet e shkruara nga priftërinjtë.

“Ishte abuzim seksual i fëmijëve, përfshirë këtu përdhunimin, i cili u krye nga burra të rritur- priftërinjë- kundër fëmijëve”, tha Shapiro.

Përfaqësuesit e gjashtë dioqezave të Pensilvanisë të përfshirë në raport nuk mund dhanë ndonjë koment.

Prokurori i Përgjithshëm tha se ky është raporti më i madh mbi abuzimet seksuale të klerikëve të kishës katolike, në historinë amerikane, pothuajse dy dekada pas ekspozimit të abuzimit në Boston, që tronditi kishën katolike romake.

“Priftërinjtë dhunuan djem dhe vajza,”tha Shapiro. “Ata fshehën të gjitha për dekada të tëra”.

Në raport përmenden 301 priftërinj, disa prej të cilëve kanë vdekur. Vetëm dy prej priftërinjëve do te ndiqen penalisht.

Prokurori Shapiro tha se janë identifikuar rreth një mijë viktima, por beson se mund të ketë shumë më tepër.

Gjithashtu, Shapiro bëri të ditur se një prift kishte ngacmuar pesë motra në një familje.