Komisioni për Administratë Publike, Pushtet Lokal, Media dhe Zhvillim Rajonal ka mbajtur dëgjim publik për ndryshim plotësimin e Ligjit për zyrtarët publik, me ç’rast u dhanë vërejtje dhe komente për të punuar drejt një Ligji më funksional, raporton Ekonomia Online.

Kryetari i Komisionit, Valon Ramadani, tha se janë në procedurë për amendamentin e këtij Ligji.

Enver Bajqinca, përfaqësues nga Autoriteti Rregullativ i Komunikimeve Elektronike dhe Postare (ARKEP), tha se kanë status të institucionit të pavarur për të kryer funksionin e saj.

Gentrit Zeqiri, përfaqësues i personave me nevoja të veçanta, kërkoi që t’ iu sigurohet transporti këtyre personave, marrë parasysh vështirësitë që i hasin.

Kryesuesi i Burimeve Njerëzore për dëgjim publik, kërkoi që kategoria e zyrtarëve publik të përjashtoht nga Ligji për zyrtarët publik.

“A vlen vetëm për një kategori të veçantë të përjashtohet”, ka thënë ai.

Deputeti Njazi Isaku, tha se vërejtjet janë të bazuara dhe do ti shqyrtojnë tutje, ku u vendos që takimi i radhës të mbahet të martën.